يامحمد نختير أنوصيك *** واسمع لوصاية يامحمد
لاتستهون ش شين أعليك *** افطن لخبار ألا ترتد
لاترض يامحمد مقام *** صغير ولا تجهل لحكام
وكر لحكام اعل تسـﯖام***ويل عت أمجمع فبلد
لاتغتاب أوكلل لكلام***وحذر لاتكعد فوجه حد
ويل عت أبجاهك هنيه***أنعت كاع انك مانك بيه
ويل عت أبعلمك واسيه***يامحمد للواحد لحد
سرك يامحمد لاتعطيه *** للي ماه مفلوش اعليه
وللي من حد ابغاك ابغيه *** أسو كرب وسو بعد
واصل العار اتفو بيه أخطيه***العار أخبارو ما تشتد
وامنين أتواسيه الخاطيه***أمركت أخبارك يامحمد
جمع أمجمع كبلك جوليه***يرجع يختيرك تتحيد
كون ايل عت امنين اتجيه***إعود امن أخيام أهل احمد
لا تتواضع لهل التطراك *** فالمال أتواضع للخلاك
أكبرت أنت مانك مشتاك *** الحمد لله اتفــكد
وأعط وخلاكك لاتظياك *** واعكد فمنين أسو تعكد
جهل اللغة يامحمد شين***أوجهل النحو ألا ماهو زين
وكر لحكام أوفرض العين***وللي يامحمد ما وحد
ذاك الخير إعود أبلا دين***واحذر لا تطرح يمحمد
عن ذاكامل ماهو هيين ***هذا هيين إلا ر حد